Қостанай облысында 60 үйді су алып кетті  

0
523

Облыстық Төтенше жағдайлар департаментінің басшысы Талғат Кәкімов брифинг барысында Қостанай облысында 60 үйді су басқаны туралы мәлім етті, деп хабарлайды Karasayinfo.kz желілік басылымы ҚазАқпарат сайтына сілтеме жасап.

Департамент басшысының айтуынша, әзірге қар суынан Қарасу ауданының Қарамырза ауылы ғана зардап шекті. Қалған өңірлердегі жағдай бір қалыпты.

— 7 сәуір күні таңертең Тінтуір өзенінде сең жүріп, су қалыпты ақты. Сағат 15.30 шамасында ауа райы күрт құбылып, желдің екпіні секундына 30 метрге дейін жетті. Жел бірде оңтүстік-батыстан соқса, енді бірде солтүстік-батысқа ауысты. Соның әсерінен өзенде 25-30 сантиметрге дейін жететін толқын пайда болып, өзен арнасынан шықты. Су Қарамырза елді мекеніне дейін жетті. Сағат 16.30-да 60 тұрғын үйді су басты. 8 сәуірде су деңгейінің қарқынды төмендеуі басталды, — деді Талғат Кәкімов.

ТЖД қызметкерлері арнайы құрылғылардың көмегімен дер кезінде суды сорғызу жұмыстарын жүргізгендіктен су үйлердің ішіне дейін кірмеген.

Облыс әкімдігі су тасқынынан зардап шеккен тұрғындарды қолдау үшін су басқан үйдің иелеріне 50 АЕК (138 900 мың теңге) көлемінде және ауласына су кірген тұрғындарға 25 АЕК (69 450 мың теңге) көлемінде өтемақы төлемек. Қазіргі уақытта тұрғындарға азық-түлік қоржыны әзірленіп жатыр.

 

 

 

 

 

 

 

 

 

 

 

 

 

 

 

 

 

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь