Ертең карантинге қарамастан қайта жұмысына кірісетін кәсіпорындар белгілі болады

0
547

Мемлекет басшысының шешімімен карантин режиміне сәуір айының соңына дейін ұзартылғандығына орай ертең төтенше жағдай режимін қамтамасыз ету жөніндегі мемлекеттік комиссияның отырысы өтпек. Нұр-Сұлтан қаласы штабының мәлімдеуінше жиында жұмысын қайта бастай алатын кәсіпорындардың нақты тізімі қаралады, деп хабарлайды Karasayinfo.kz желілік басылымы 24.kz сайтына сілтеме жасап.

Атап өтейік, кей өндіріс орны біртіндеп жұмысын бастайды. Мұндай нысандар санитарлық-эпидемиологиялық талапты қатаң сақтауы тиіс. Ал, қажет болмаған жағдайда, тұрғындардың үйден шығуына тыйым салынады. Тек тұрғылықты жерге жақын маңдағы азық-түлік дүкеніне, дәріханаға, медициналық қызмет алуға, жұмысқа бару үшін үйден шығуға рұқсат. Автобустар да әзірге қатынамайды. Адам көп жиналатын орындар, кинотеатр, сауда ойын-сауық орталықтары, клуб, мейрамхана, дәмханалар жабық күйінде қала береді. Штаб өкілдері тұрғындарға тек ресми ақпарат көздеріне жүгінуді ескертеді.

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь