«Алтын Орда» маңындағы жолайрық: құрылыс 2021 жылы аяқталады  

0
64

«Қазавтожол» ұлттық компаниясының жаңа басшысы Асқар Маратұлы «Алтын Ордадағы» жолайрығының құрылысы нақты аяқталатын мерзімді атады, — деп хабарлайды  karasayinfo.kz  желілік басылымы Tengrinews.kz сайтына сілтеме жасап.

«Қазавтожол» басқарма төрағасының айтуынша, бұған дейін нысанды салған компания өз міндетін атқара алмаған. Сондықтан онымен келісімшарт бұзылған. Кейін шұғыл түрде конкурс өткізіліп, жолайрық құрылысын жалғастыратын жаңа құрылысшысы табылған.

«Бірінші «Дәулет ДорСтрой» компаниясымен келісім 2017 жылы жасалды. Ол жолайрығын 2020 жылы тапсыруы керек еді. Бірақ нысандар уақтылы бұзылмағандықтан және пандемияға байланысты құрылыс уақытында аяқталған жоқ. Жасалған келісімшарт олардың міндеттемелерін толық орындамауына байланысты бұзылды. Бүгін, 30 сәуірде жаңа мердігермен келісімшартқа қол қойылды. Ол — «СиноМиноСтрой» компаниясы. Осы жобаны аяқтаумен айналысады. Біз құрылысты биыл қазанда аяқтауды жоспарлап отырмыз», — деді Маратұлы.

Ол «Алтын Орда» маңында салынып жатқан жолайрықтағы негізгі эстакада ұзындығы 600 метр екенін айтты. Қазіргі уақытта оның 80 метрі салынған. Сондай-ақ, құрылысқа шамамен 12 миллиард теңге бөлінді, оның алтауы игерілген.

«Қосымша қаражат қажет емес. Жаңа мердігер – беделді компания. Жұмыс тәжірибесі мол. Жол айрығының сапасы құрылыс нормаларының барлық талабына сәйкес келеді. «Апорт» сауда орталығы маңындағы жолды мамырда аяқтауды жоспарлап отырмыз. Бұл жерге жағдайды көріп, әрі қарай нысанды бақылауымда ұстау үшін келдім», — деді Асқар Маратұлы.

Айта кетейік, 22 сәуірде Асқар Маратұлы «ҚазАвтоЖол» ҰК» АҚ басқарма төрағасы болып тағайындалған болатын. Оның алдында басшы болған Ұлан

Еске салайық, 2017 жылы басталған жол құрылысы 2019 жылы аяқталып, тапсырылуы керек болған. Алайда бірқатар себепке байланысты құрылыс жұмыстары созылып кеткен. Оның бірі —  екі жанармай құю станциясының қожайынымен болған сот. Автожанармай құю станциясы биыл наурызда сатып алынды.

Кейін мәселелер шешіліп, құрылысты аяқтаудың жаңа мерзімі белгіленді. Жоба 2020 жылдың жазына дейін аяқталады деп уәде берді. Бірақ өткен жылдың көктемінде карантинге байланысты «Алтын Орда» базары маңына блокпост қойылды. Жақында жобаның толық аяқталуы 2021 жылға жоспарланып отырғаны белгілі болды.

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь