Территория Карасайского района — 2,0 тыс.км | Численность населения на 1 июня 2018 года – 264.1 тыс. человек | из них: городское – 65,2 тыс.человек | сельское — 201,4 тыс.человек | Темп роста составляет 102 % | Среднемесячная зарплата – 136686 тг. | Величина прожиточного минимума – 29509 тг.
Karasayinfo.kz | Новости Карасайкого района.Солтүстік ұйымдастырған бос жұмыс орындары жәрмеңкесі - Karasayinfo.kz | Новости Карасайкого района
Воскресенье, 18 ноября 2018   Подписка на обновления  RSS  Письмо редактору
Популярно
Солтүстік ұйымдастырған бос жұмыс орындары жәрмеңкесі
22:52, 15 мая 2018

Солтүстік ұйымдастырған бос жұмыс орындары жәрмеңкесі


Алматы облысы аудандарына кезекпе-кезек еліміздің Солтүстік өңірлерінен келген бір топ делегация түрлі бағдарламалар аясында, жұмыспен қамту мәселесі бойынша халықпен кездесулер өткізуде. Ал, бүгін олар біздің ауданға табан тіреп, аудандық мәдениет үйінде «Өңіраралық бос жұмыс орындары жәрмеңкесі» атты іс-шара ұйымдастырды.

Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы шеңберінде өткен жиынға екі жүзден астам азамат өтініп білдіріп, солтүстіктен жұмыс табуға өз ниеттерін білдірді. Бұл жиынға қарасайлықтардан бөлек, Жамбыл, Іле аудандарының тұрғындары және Алматы облыстық жұмыспен қамту, үйлестіру және әлеуметтік бағдарламалар басқармасының бас маманы Жарқын Жақсыбеков, Қарасай ауданы әкімінің орынбасары Мақсұт Жапаров, аудандық жұмыспен қамту және әлеуметтік бағдарламалар бөлімінің басшысы Әлия Қыйлыбаева және аудандық жұмыспен қамту бөлімінің басшысы Элмира Тасырова қатысты. Жалпы, онда жұмыссыз азаматтарға арналған әртүрлі тиімді ұсыныстар айтылып, мектеп бітіруші түлектерге «Серпін» бағдарламасы жайлы толық түсіндіру жұмыстары жүргізілді. Делегация құрамында СҚО жұмыспен қамту және әлеуметтік бағдарламалар бөлімі басшысының міндетін атқарушы Жылқыбай Сүлейменов, ауыл әкімдері, жұмыспен қамту саласының өкілдері мен жұмыс берушілер де бар. Олардың айтуынша, Солтүстік Қазақстан облысында 7 млн гектардан астам жер бар. Еліміз бойынша ең үлкен егістік жері болғанымен, өңір еңбек күшінен тапшылық көруде. Сондықтанда 270 мыңнан астам тұрғыны бар Қарасай ауданындағы жұмыс іздеген азаматтарын Солтүстік облысына тартуды мақсат етуде. Ол үшін арнайы бағдарламалар да бар екен. Сонымен қатар, ұсы­ныс ұнап, жұмыс істеу үшін сол­түстікке көшемін деушілерге бірқатар көмек те көрсетіледі. Мәселен, үймен, жермен қамтып, кәсібі мен шаруашылығын дөңгелетуге бағыт-бағдар береледі. Онда педагогикалық, техни­калық, басқа да ма­мандықтар бойынша бос орындардың көп екен. Жәрмеңке соңында делагаттардың ұсынысына құлақ асқан 46 отбасы мүшелері нақты келісім беріп, нәтижесінде, енді таяу күндері солтүстікке көшуге қамданатындарын да жет­кізді.


Добавить комментарий

Ваш e-mail не будет опубликован. Обязательные поля помечены *

© 2018 Karasayinfo.kz | Новости Карасайкого района