Педофилді ұстаған полиция қызметкері «Айбын» орденімен марапатталды

0
340

Мемлекет басшысы Қасым-Жомарт Тоқаевтың Жарлығымен Алматыда педофилді ұстаған полиция майоры Бақытжан Бәкіров ІІ дәрежелі «Айбын» орденімен марапатталды, деп хабарлайды Karasayinfo.kz желілік басылымы ҚазАқпарат сайтына сілтеме жасап.

«Қызметтік міндетін атқару кезінде батылдық пен қайсарлық көрсеткені үшін Ішкі істер министрлігі Алматы қалалық полиция департаментінің Түрксіб аудандық полиция басқармасының жедел уәкіді – Бәкіров Бақытжан Әнуарбекұлы ІІ дәрежелі «Айбын» орденімен марапатталсын», – делінген Жарлық мәтінінде.

Естеріңізге сала кетейік, қылмыс 11 шілдеде Түрксіб ауданында жеке үйлер алабында болған. Түсте күдікті Покровская көшесінде орналасқан үйлердің біріне кілтті таңдау ақылы кірген. Үйде 2 бала – төрт жастағы ұл бала мен оның 15 жастағы әпкесі болған. Қаскөй пышақпен қорқытып, 17 мың долларды иемденіп, содан кейін қызды қорлаған. Кейін Әл-Фараби даңғылындағы үйде жасырынған күдікті полициядан қашып тұрғын үйдің жоғарғы қабатынан секіріп кеткен. Сол кезде майор Бақытжан Бәкіров оның артынан бірге секіріп, қылмыскерді қуып жеткен.

Осы батылдығы үшін Бақытжан Бәкіровті Ішкі істер министрі Ерлан Тұрғымбаев «Құқық тәртібін қамтамасыз етуде қосқан үлесі үшін» медалімен марапаттаған еді.

 

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь