Территория Карасайского района — 2,0 тыс.км | Численность населения на март 2019 года – 271.0 тыс. человек | из них: городское – 64,3 тыс.человек | сельское — 201,4 тыс.человек | Темп роста составляет 100,5 % | Среднемесячная зарплата – 134301 тг. | Величина прожиточного минимума – 29707 тг.
Karasayinfo.kz | Новости Карасайкого района.«Қос өнер – қос қанатым» атты суреттер көрмесі - Karasayinfo.kz | Новости Карасайкого района
Среда, 19 июня 2019   Подписка на обновления  RSS  Письмо редактору
Популярно
«Қос өнер – қос қанатым» атты суреттер көрмесі
18:50, 12 марта 2019

«Қос өнер – қос қанатым» атты суреттер көрмесі


Аудандық тарихи-өлкетану музейінде Үмбетәлі Кәрібаевтың 130 жылдығын мен Әуелбек Ысқақовтың 60 жасқа толуына орай, «Қос өнер – қос қанатым» атты суреттер көрмесі өтті деп хабарлайды karasayinfo.kz желілік басылымы.

Елбасының «Рухани жаңғыру» бағдарламалық мақаласы аясында ұйымдастырылған көрмеге аудан әкімінің орынбасары Күлжан Дүйсенова, ҚР Үздік өлкетанушысы Әуелбек Ысқақов, ҚР Мәдениет саласының үздігі, жыршы-термеші Жылбек Тоқтасынов, ақын Ермек Жұматаев, Үмбетәлі Кәрібаевтың қызы Әлия Керменбекова, Жамбыл ауданы және Үмбетәлі ауылы музейлерінің қызметкерлері, ауданның қоғамдық ұйымдарының жетекшілері мен мектеп оқушылары қатысты.

Шара барысында жиналғандардың алдында дәстүрлі ән мен бейнелеу өнері бойынша республикалық конкурстардың лауреаты Әуелбек Ысқақовтың шәкірттері Жамбыл мен Үмбетәлі сияқты ақын, жазушылар туралы өлеңдерін оқып, күйшілер күмбірлетін күй тартты. Ал, суретші, әрі ақын өз тарапынан жиналған қауымды салған суреттері мен жазған кітаптарымен таныстырып өтті.

Сонымен қатар, аудан әкімінің орынбасары Күлжан Әділханқызы Әуелбек Ысқақовқа аудан әкімі Жандарбек Далабаевтың атынан сый-сыяпатын табыстады. Аталған көрме 15 наурызда Үмбетәлі ауылындағы музейде жалғасын табады.

Сондай-ақ, бұндай көрме ағымдағы жылы Жаркент қаласындағы Қастеев, Талдықорған қаласындағы Тынышбаев атындағы музейлерінде де өткен.


Добавить комментарий

Ваш e-mail не будет опубликован. Обязательные поля помечены *

© 2019 Karasayinfo.kz | Новости Карасайкого района