Территория Карасайского района — 2,0 тыс.км | Численность населения на июнь 2019 года – 270.7 тыс. человек | из них: городское – 63,6 тыс.человек | сельское — 209,5 тыс.человек | Темп роста составляет 100,9 % | Среднемесячная зарплата – 138772 тг. | Величина прожиточного минимума – 31280 тг.
Karasayinfo.kz | Новости Карасайкого района.МАҚСАТ ҮЛКЕН, МІНДЕТ КӨП - Karasayinfo.kz | Новости Карасайкого района
Вторник, 17 сентября 2019   Подписка на обновления  RSS  Письмо редактору
Популярно
МАҚСАТ ҮЛКЕН, МІНДЕТ КӨП
20:15, 05 сентября 2019

МАҚСАТ ҮЛКЕН, МІНДЕТ КӨП


Мемлекет басшысының Жолдауындағы бірқатар тапсырмаларға қатысты аудандық әкімдікте актив жиналыс өтті, деп хабарлайды karasayinfo.kz желілік басылымның тілшісі.

Осы аптаның алғашқы күнінде, өздеріңіз білетіндей, ҚР Президенті Қасым-Жомарт Тоқаев күллі қазақстандықтарға өзінің алғашқы Жолдауын жариялаған еді. Мемлекет басшысы  жұртшылықты алаңдатқан көптеген келелі мәселелерге қатысты бастамаларды көтеріп, алдағы жоспар-міндеттерге сай бағыт-бағдарды айқындай келе Үкімет тарапына нақты тапсырмаларды жүктеді. Ия, Ел Президенті Қасым-Жомарт Кемелұлының «Сындарлы қоғамдық диалог – Қазақстанның тұрақтылығы мен өркендеуінің негізі» атты Жолдауы халыққа ұсынылғаннан бері жан-жақты қызу талқыланып, көпшіліктің қолдауына ие болды десек артық айтқандық емес.

Бүгін аудандық әкімдіктің үлкен мәжіліс залында Мемлекет басшысы Қ.Тоқаевтың біз сөз еткен алғашқы Жолдауына арналған актив жиналысы өтті. Маңызды басқосудың төрағасы ретінде аудан әкімі Жандарбек Далабаев жиынды ашып, жүргізіп отырды. Ал, отырысқа мәслихат хатшысы, аудан әкімінің орынбасарлары, мәслихат депутаттары, бөлім басшылары, Қоғамдық кеңестің төрағасы, басқарма, мекеме, кәсіпорын, құқық қорғау органдарының басшылары және мектеп директорлары қатысты.

Актив жиналысында ҚР Президенті Қасым-Жомарт Кемелұлының Жолдауында белгіленген тапсырмаларды іске асыру бойынша аудандағы атқарушы органдардың жауапты жұмыстары жайында сөз етілді. Осыған қатысты жиынның басында аудандық мәслихат хатшысы Айтбай Көшкімбаев Жолдау аясында жүзеге асатын істерге байланысты алғашқы баядаманы тыңдау үшін сөз кезегін аудан әкімі Ж.Далабаевқа берді. Өз кезегінде аудан басшысы Президенттің Жолдауда діттеп көрсеткен нақты міндеттерін сөз етіп, соның аясында ауданымызда атқарылатын жұмыстарға кеңінен тоқталды. Сондай-ақ, Жандарбек Ермекұлы түрлі салаға қатысты нақты тапсырмаларға жауапты болу үшін өзінің орынбасарларына, округ әкімдеріне және бірқатар бөлім мен мекеме басшыларына міндеттер жүктеді.

Ел тарихындағы екінші Президенттің алғашқы Жолдауындағы бірқатар бағыттарға қатысты осы актив жиынында өзгелердің пікірлері де тыңдалынып, орамды ойлар ортаға салынды. Барлығы да түрлі салаға қатысты Мемлекет басшысының Жолдауында айтылған байыпты бастамаларға оң көзқарастарын білдіріп, бағыты айқын тапсырма аясында жұмыс істейтіндіктерін түсіндірді.

Ел Президентінің алғашқы Жолдауы сындарлы саясат жолында елімізді жарқын болашаққа жетелейтініне сеніміміз мол. Мақсат-міндеттердің барлығы да бүкіл қазақстандықтардың атсалысуымен іске асатынына күмән жоқ!


Добавить комментарий

Ваш e-mail не будет опубликован. Обязательные поля помечены *

© 2019 Karasayinfo.kz | Новости Карасайкого района