Территория Карасайского района — 2,0 тыс.км | Численность населения на март 2019 года – 271.0 тыс. человек | из них: городское – 64,3 тыс.человек | сельское — 201,4 тыс.человек | Темп роста составляет 100,5 % | Среднемесячная зарплата – 134301 тг. | Величина прожиточного минимума – 29707 тг.
Karasayinfo.kz | Новости Карасайкого района.Ұлы Жеңіске мың тағзым (Видео) - Karasayinfo.kz | Новости Карасайкого района
Суббота, 25 мая 2019   Подписка на обновления  RSS  Письмо редактору
Популярно
Ұлы Жеңіске мың тағзым (Видео)
17:54, 09 мая 2019

Ұлы Жеңіске мың тағзым (Видео)


Ұлы Жеңіске өлшеусіз үлес қосқан жауынгер бабалардың ерлігі мен Отан үшін жан кешкен батырларға тағзым етіп, құрмет көрсету қай-қайсымыздың болсын парызымыз. Сұрапыл соғыстың алауы өшіп, Жеңіс туының желбірегеніне биыл 74 жыл толып отыр. Айтулы мереке ауданымызда жоғары деңгейде аталып өтіліп, Ұлы Отан соғысының ардагерлері мен тыл еңбеккерлері ардақталды. Алдымен аудан әкімі Жандарбек Далабаев аудан орталығы Қаскелең қаласының орталық алаңында Ұлы Жеңісті сыйлаған ержүрек батырлар мен тыл еңбеккерлерін құттықтап, өз атынан мәңгілік алауға даңқты гүл шоғын қойды. Мұндай дәстүрлі рәсімнен кейін ардақты ардагерлерге арнайы ақ дастархан жайылып, ізгі тілектер де айтылды.

Мерейлі мерекеге арналған салтанатты шараның жалғасы қарасайлықтардың қарасы көп жиналатын Қаскелең қаласының орталық стадионында жалғасты. Алдымен сол бір зұлмат соғыстың зардабын сипаттайтын көңілге ой саларлық көріністер қойылып, мектеп оқушыларының қатысуымен болған саптық шеруге ұласты. «Ұлы Жеңіске мың тағзым» атты осы мерекелік шара барысында аудан әкімі Жандарбек Ермекұлы барша қарасай жұртшылығын Ұлы Жеңіс күнінің 74 жылдығымен құттықтап, аудан ардагерлері жайлы ойын да бөлісе кетті.

Мерекелік бағдарлама аясында патриотты, рухты әндер шырқалып қана қоймай, бүлдіршіндердің қатысуымен түрлі әсем билер де ортаға салынды. Ал, орталық стадион айналасында арнайы ойын алаңы ұйымдастырылып, жас балалардың көңілі қуанышқа толы болды. Осындай бейбітшілік пен тыныштықты тарту еткен батыр бабалардың ерлігіне әрқашан бас иеміз. Ұлы Жеңістің 74 жылы баршаңызға құтты болсын!


Добавить комментарий

Ваш e-mail не будет опубликован. Обязательные поля помечены *

© 2019 Karasayinfo.kz | Новости Карасайкого района