Территория Карасайского района — 2,0 тыс.км | Численность населения на 1 июня 2018 года – 264.1 тыс. человек | из них: городское – 65,2 тыс.человек | сельское — 201,4 тыс.человек | Темп роста составляет 102 % | Среднемесячная зарплата – 136686 тг. | Величина прожиточного минимума – 29509 тг.
Karasayinfo.kz | Новости Карасайкого района.Концерт арқылы көмек бермек - Karasayinfo.kz | Новости Карасайкого района
Суббота, 20 октября 2018   Подписка на обновления  RSS  Письмо редактору
Популярно
Концерт арқылы көмек бермек
12:15, 14 апреля 2018

Концерт арқылы көмек бермек


Табиғаттың тосын мінезінен еліміздің бірқатар өңірінде төтенше жағдайлар орын алғаны белгілі. Әсіресе, Шығыс Қазақстан облысының Аягөз қаласын су басып, қаншама отбасының қиындыққа тап болғаны барша жұрттың қабырғасын қайыстырды. Сол себептен де елдігі мен бірлігін байқатқан халқымыз жан-жақтан апаттан зардап шеккендерге жәрдем беріп, мүмкіндігінше қолда барымен бөлісуде.

Қазақ эстрадасында өзіндік орны бар «Меломен» тобы да бұл жағдайға бей-жай қарамай, атсалысуды жөн деп тапты. Еліміздің көптеген қалаларында «Аягөзге көмек» атты концерттік бағдарламаларын өткізіп, жиналған қаражатты мұқтаж жандарға жәрдем ретінде аударуды мақсат еткендері бұған дейін әлеуметтік желілерде де жарияланған еді.

Алғашқы концерттерін өнерпаз жігіттер топтың продюсері Бауыржан Есебаевтың ұйымдастыруымен, Қаскелең қаласындағы мәдениет үйінде өткізді. Концертке қарасайлықтар да көптеп жиналып, шығыстағы шығынға батқан халықтың қиындығына ортақтасатындықтарын аңғартты. Әсерлі де әуезді әндерді жігіттермен қосыла шырқап, ризашылықтарын ұсынған гүл шоқтары арқылы білдірді.

Кешті аудан әкімі Махаббат Бигелдиев қорытындылап, жастық жалындарымен жақсылыққа ұмтылып, өнерлері арқылы өнегелі іске білек сыбана кіріскен «Меломен» тобына, жетекшісі Б.Есебаевқа зор алғысын айтып, жиналған қаражатты тапсырды.


Добавить комментарий

Ваш e-mail не будет опубликован. Обязательные поля помечены *

© 2018 Karasayinfo.kz | Новости Карасайкого района