Колледж түлектері үшін ҰБТ тапсыру мерзімі өзгерді

0
420

Биылғы түлектердің 72 пайызы ҰБТ тапсырып үлгерді, деп хабарлайды karasayinfo.kz желілік басылымы ҚР Білім және ғылым министрлігінің баспасөз қызметіне сілтеме жасап.

Министрліктің Facebook парақшасындағы ақпаратқа сүйенсек, ҰБТ-ға қатысуға 131 471 адам ниет білдірген. Оның ішінде 111 113-і – биылғы оқу жылының мектеп түлектері. Олардың 72 пайызы ҰБТ тапсырып үлгерді. 1 шілде күні жоспарға сәйкес, осы жылғы мектеп түлектерінің соңғы легі ҰБТ тапсырады. Осылайша 2019-2020 оқу жылының мектеп түлектеріне ҰБТ аяқталады. 21 маусым мен 1 шілде аралығында ҰБТ тапсырып жатқандар үшін кесте өзгермейді.

«12 мыңнан астам алдыңғы жылдардың мектеп және колледж түлектері ҰБТ-ны 2,3,4 шілдеде емес, одан ертерек, 28, 29, 30 маусымда сағат 15:00-де тапсыратын болады. Олардың рұқсатнамалары жарамды, ауыстырудың қажеті жоқ. Егер тестіленуші өзінің ҰБТ тапсыру пунктіне келіп үлгермесе, info@testcenter.kz электрондық поштасына өтініш жазуы керек. Өтініш қысқа мерзімде қаралып, ол бойынша жақын жерде орналасқан облыс орталығында тапсыруға мүмкіндік беру жөнінде шешім қабылданатын болады»,делінген министрліктің хабарламасында.

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь