Территория Карасайского района — 2,0 тыс.км | Численность населения на 1 июня 2018 года – 264.1 тыс. человек | из них: городское – 65,2 тыс.человек | сельское — 201,4 тыс.человек | Темп роста составляет 102 % | Среднемесячная зарплата – 136686 тг. | Величина прожиточного минимума – 29509 тг.
Karasayinfo.kz | Новости Карасайкого района.Әкім қарттарды құттықтады - Karasayinfo.kz | Новости Карасайкого района
Вторник, 16 октября 2018   Подписка на обновления  RSS  Письмо редактору
Популярно
Әкім қарттарды құттықтады
16:56, 29 декабря 2017

Әкім қарттарды құттықтады


Қалыптасқан дәстүр бойынша, кеше аудан әкімі Махаббат Бигелдиев ауданымыздың қазыналы қарияларын арнайы барып, келе жатқан Жаңа жыл мерекесімен құттықтап, сый-сияпатын тарту етіп қайтты. Сан жылдардағы еліміздің дамуы жолында еткен еселі еңбегімен бүгінде ел құрметіне бөленіп отырған, көпті көрген қарттар ауданның бірінші басшысының бұл кішіпейілділігі мен ілтипатына риза болды. 

Алдымен Махаббат Садуақасұлы ардагер ұстаз, аудандық «Қазақ тілі» қоғамының төрайымы Шара Қанатқұлқызының шаңырағына барып, ақылман ананың қал-жағдайын сұрап, ақ тілегін арнады. Емен-жарқын өрбіген әңгіме барысында Елбасының «Болашаққа бағдар: рухани жаңғыру» атты бағдарламалық мақаласы жастармен қатар, егде тартқан жандардың да қызығушылығын туғызып, Президенттің тапсырмасына сай қолға алынып кеткен идеологиялық жұмыстардың қасиетті Қарасай жерінде де айтарлықтай нәтиже көрсетіп жатқандығы сөз болды.

Ал, қарт майдангер, партизан-жазушы Үсенбай Тастанбеков аудан әкімінің қарапайымдылығы мен кең пейілділігіне риза болып, халық батыры Бекболат Әшекеевке туған жерінде ескерткіш тұрғызу үшін қор ашылғанын естіп қуанып қалғанын, бұл істі толығымен қолдайтынын жеткізіп, ақ батасын берді.  

Сонымен қатар, Махаббат Садуақасұлы Елбасының ұстазы, жасы жүзге келген абыз қария Сейітхан Исаевтың да үйіне барып, атаның өсиет пен ақылға толы қызықты әңгімесін тыңдады. Мәңгілік Ел болуға бет алған мемлекетіміздің басшысы, өзінің сүйікті шәкірті Нұрсұлтан Әбішұлының сарабдал саясатының артықшылығын тілге тиек еткен Ұлы Отан соғысының ардагері аудан әкіміне алғысын білдіріп, келе жатқан жаңа жылда жаңа табыстар мен жетістіктер тіледі.


Добавить комментарий

Ваш e-mail не будет опубликован. Обязательные поля помечены *

© 2018 Karasayinfo.kz | Новости Карасайкого района