Территория Карасайского района — 2,0 тыс.км | Численность населения на июнь 2019 года – 270.7 тыс. человек | из них: городское – 63,6 тыс.человек | сельское — 209,5 тыс.человек | Темп роста составляет 100,9 % | Среднемесячная зарплата – 138772 тг. | Величина прожиточного минимума – 31280 тг.
Karasayinfo.kz | Новости Карасайкого района.БІРІНШІ ШІЛДЕДЕН БАСТАП ЖӘРДЕМАҚЫ 30%-ға АРТАДЫ - Karasayinfo.kz | Новости Карасайкого района
Пятница, 23 августа 2019   Подписка на обновления  RSS  Письмо редактору
Популярно
БІРІНШІ ШІЛДЕДЕН БАСТАП ЖӘРДЕМАҚЫ 30%-ға АРТАДЫ
18:45, 05 июня 2019

БІРІНШІ ШІЛДЕДЕН БАСТАП ЖӘРДЕМАҚЫ 30%-ға АРТАДЫ


Елімізде бірінші шілдеден бастап мүмкіндігі шектеулі бала тәрбиелеп отырған ата-аналарға және бала кезінен І топтағы мүмкіндігі шектеулі жандарға күтім көрсетіп отырғандардың жәрдемақысы өседі, деп хабарлайды karasayinfo.kz желілік басылымы 24.kz сайтына сілтеме жасап.

Көпке мәлім болғандай, «Nur Otan» партиясының XVIII съезінде Тұңғыш Президент Нұрсұлтан Назарбаевтың берген тапсырмасына сәйкес, мүмкіндігі шектеулі балаларды тәрбиелеп отырған отбасыларға берілетін жәрдемақы көлемі 30% өсуі тиіс еді.

Осыған сәйкес, жәрдемақыға қатысты бастаманың жүзеге асуы жайында «Азаматтарға арналған үкімет» корпорациясының баспасөз қызметінде жария болған еді. Олардың ресми хабарламасына сүйенетін болсақ, бүгінгі таңда мүмкіндігі шектеулі балалары бар отбасылар күнкөріс көлемінің 1,05 мөлшерінде 31183 теңге жәрдемақы алып отыр. Ал, енді 1 шілдеден бастап оның көлемі 10395 теңгеге өсіп, 41578 теңгені құрайтын болады. Бір айта кетерлігі, еліміз бойынша аталған екі жәрдемақының түрі 95 мыңға астам қазақстандықтарға тағайындалған. (оның 82 мыңға жуығы – мүмкіндігі шектеулі баланы тәрбиелеп отырғандар болса, 13 мыңнан астамы – бала кезінен І топтағы мүмкіндігі шектеулі жандарға күтім көрсететіндер.

Жылдың ортасынан бастап көлемі өсірілетін жәрдемақының қайта есептелуін «Азаматтарға арналған үкімет» мемлекеттік корпорациясының бөлімшелері мен Еңбек комитетінің аймақтық департаменттері автоматты түрде жүзеге асырады. Ал, жәрдемақы алушылар бұл үшін қосымша құжат тапсырмайды.

Тұрғындар үшін жәрдемақыны тағайындау шілденің және келесі әрбір айдың 1-інен 15-іне дейін жұмыс күндері жүргізіледі.


Добавить комментарий

Ваш e-mail не будет опубликован. Обязательные поля помечены *

© 2019 Karasayinfo.kz | Новости Карасайкого района