Территория Карасайского района — 2,0 тыс.км | Численность населения на 1 июня 2018 года – 264.1 тыс. человек | из них: городское – 65,2 тыс.человек | сельское — 201,4 тыс.человек | Темп роста составляет 102 % | Среднемесячная зарплата – 136686 тг. | Величина прожиточного минимума – 29509 тг.
Karasayinfo.kz | Новости Карасайкого района.Балабақшалар байқауы - Karasayinfo.kz | Новости Карасайкого района
Пятница, 17 августа 2018   Подписка на обновления  RSS  Письмо редактору
Популярно
Балабақшалар байқауы
19:19, 23 октября 2017

Балабақшалар байқауы


Таяуда «Айгөлек» бөбекжайында Елбасының «Болашаққа  бағдар:  рухани  жаңғыру» мақаласы аясында аудандағы балабақшалар арасында «Туған жерім – алтын бесігім» атты байқау ұйымдастырылды. Он балабақшаның ұстаздары сынға түскен сайыстың мақсаты – мектепке дейінгі мекемелерде мәдениетті, салт-дәстүрді жаңғырту, отансүйгіштікті нығайту және патриоттық тәрбиенің жарқын көрінісін насихаттау. Жарысқа ұлағатты ұстаз, зейнеткер Азиза Наимбаева, Қаскелең гуманитарлы-техникалық колледжі директорының тәрбие ісі жөніндегі орынбасары Светлана Абдуллаева және облыстық «Тіл» оқу-әдістемелік орталығының аудандық филиалының оқытушысы Фатима Сағынбекова қатысып, қазылар алқасының орнын алып, қатысушыларға баға беріп отырды.

Байқау төрт кезеңнен тұрды. Атап айтқанда, олар ең алдымен өздерінің таныстыруларын қара сөз және өлең түрінде жеткізді. Мұнан соң, викториналық сұрақтарға көшті. Бұл кезеңде көптеген командалар өздерін жақсы дайындалып келгендерін дәлелдеді. Өйткені, қазылар алқасы қойған сұрақтарға «Еркенұр», «Брусничка», «Нұр-ай», «Балауса», «Жанерке» және «Бота» барлығына дерлік дұрыс жауап берді. Үшінші «Дәстүрлі салтым – қазақи қалпым…» атты салт-дәстүр көрініс кезеңінде «Еркем-ай», «Ақ көгершін», «Айгөлек», «Сандуғаш» топтарының мұғалімдері өнерлерімен барлығын тәнті етті. Ал, соңғы кезеңде қатысушылар слайдта көрсетілген суреттер бойынша мақал-мәтелдер құрастырып, жарысты. Жалпы, қорытынды бойынша, «Сандуғаш» командасы озат шығып, бас жүлдені қанжығасына байлады. Жеңімпаздардан аздаған ұпаймен артта қалып, екінші орынды «Еркем-ай» тобы алды. Ал, соңғы жеңіс тұғырының үшінші орнына «Айгөлек» пен «Ақ көгершін» балабақшасының ұстаздары тұрақталды. Жарыс соңында барлығы марапатталып, Алғыс хаттар алды.  


Добавить комментарий

Ваш e-mail не будет опубликован. Обязательные поля помечены *

© 2018 Karasayinfo.kz | Новости Карасайкого района