Территория Карасайского района — 2,0 тыс.км | Численность населения на март 2019 года – 271.0 тыс. человек | из них: городское – 64,3 тыс.человек | сельское — 201,4 тыс.человек | Темп роста составляет 100,5 % | Среднемесячная зарплата – 134301 тг. | Величина прожиточного минимума – 29707 тг.
Karasayinfo.kz | Новости Карасайкого района.Қарасайдағы әз Наурыз (Видео) - Karasayinfo.kz | Новости Карасайкого района
Среда, 19 июня 2019   Подписка на обновления  RSS  Письмо редактору
Популярно
Қарасайдағы әз Наурыз (Видео)
19:12, 22 марта 2019

Қарасайдағы әз Наурыз (Видео)


Көктемнің көрікті мерекесі – әз Наурыз да келіп жетті, ағайын! Жыл басы болып саналатын Ұлыстың ұлы күнінде өкпе-реніштер ұмытылып, ақ тілектер ақтарылып, табысу, көрісу, сияқты ізгілікті амалдар көрініс табады. Дәл осындай құтты қадамдармен астасып жатқан мерейлі мереке қасиетті Қарасай жерінде де дәстүрлі түрде тойланып жатыр.

Күллі қарасайлықтар биылғы Наурыз мерекесін аудан орталығы Қаскелең қаласында орналасқан №1 балалар мен жасөспірімдер спорт мектебінің орталық стадионында  атап өтті. Алғаш рет ауқымы кең жасыл алаңда жиналған қонақтардың қарасы көп болып, мейманымен жарасқан мейрам ерекше думан тойға ұласты. Сахнаның сәні келісіп , мың бұралған бишілер мен күміс көмей әншілер әз Наурыздың көркін қыздырды.

Салтанатты шарада аудан әкімі Жандарбек Далабаев жиылған көпшілікке ақ тілегін арнап, берекелі Наурыз мейрамының ерекшелігі жайлы сөз етті.

Жүрек жарды жылы лебізін арнаған соң аудан басшысы Жандарбек Ермекұлы ауданымыздың әлеуметтік-экономикалық дамуы мен өркендеуі жолында еңбек еткен бірнеше белсенді азаматтарға «Қарасай ауданының Құрметті азаматы» атағын табыстады.

Айтулы күннің есте қалар сәттері мұнымен аяқталған жоқ. Орталық алаңда мерекеге орай түрлі ұлттық спорттық ойындар өткізіліп, шараның көркі қызықты қойылымдармен де жандана түсті. Көптің көңілінен шығатындай мұнда алтыбақан мен батуттар орнатылып, жеткіншектер мен бүлдіршіндердің де жүздері қуанышқа кенелді.

Наурыз мейрамы – қазақ елін мекен еткен басқа да этностардың ортақ мерекесі болып саналатыны белгілі. Бүгінгі көрікті мереке қарсаңында бауырлас ағайындар да ұлыстың ұлы күнін шаттық сезімде қарсы алып, ақ тілегін жеткізіп жатты.

Ежелден жаңару мен жасампаздықтың бастауы, береке мен ырыстың арқауы болған Ұлыстың ұлы күні әз Наурыз құтты болсын!

 


Добавить комментарий

Ваш e-mail не будет опубликован. Обязательные поля помечены *

© 2019 Karasayinfo.kz | Новости Карасайкого района