Территория Карасайского района — 2,0 тыс.км | Численность населения на июнь 2019 года – 270.7 тыс. человек | из них: городское – 63,6 тыс.человек | сельское — 209,5 тыс.человек | Темп роста составляет 100,9 % | Среднемесячная зарплата – 138772 тг. | Величина прожиточного минимума – 31280 тг.
Karasayinfo.kz | Новости Карасайкого района.АЛАКӨЛГЕ КЕЛЕТІН ТУРИСТЕРДІҢ САНЫ АРТЫП КЕЛЕДІ - Karasayinfo.kz | Новости Карасайкого района
Вторник, 17 сентября 2019   Подписка на обновления  RSS  Письмо редактору
Популярно
АЛАКӨЛГЕ КЕЛЕТІН ТУРИСТЕРДІҢ САНЫ АРТЫП КЕЛЕДІ
13:10, 24 июля 2019

АЛАКӨЛГЕ КЕЛЕТІН ТУРИСТЕРДІҢ САНЫ АРТЫП КЕЛЕДІ


Табиғаты тамсандырған Жетісу өңірінің ең көрікті мекендерінің бірі – ақ айдынды Алакөл жеріне демалуға келген туристердің саны жарты миллионнан асты, деп хабарлайды karasayinfo.kz желілік басылымы.

Алакөл ауданының әкімі Әлібек Жақанбаевтың айтуынша, өткен жылы аудандағы 214 демалыс орнына 1 млн. 19 мың  адам демалуға келіп, оларға 5 млрд. 811 млн теңгенің қызметі көрсетілген. Ал, биылғы жылдың жаз маусымындағы 1 шілдеге дейінгі көрсеткішіне сүйенетін болсақ, 393 мың 500 адамға, яғни, 2 млрд. 361 млн теңгеге қызмет көрсетілген. Жазғы маусымның ең қызықты айы енді басталғанын ескерсек, бұл сан алдағы уақытта еселене түсері анық дейді аудан басшысы.

Расында, Алакөл аумағы орналасу жағынан туризмнің барлық түрін қамтиды. Сондықтан да көптеген туристтер осы жердің емдік суына шомылуға және керемет демалыс ұйымдастыруға көптеп келуде. Өткен жылы аудан аумағындағы демалыс орындары 214 құраса, биыл 998 млн. теңгелік инвестицияға 30 нысан қосылып, барлығы 244-ке жеткен. Ал, енді негізгі бюджеттік бағасына тоқталатын болсақ, адам басына тәулігіне 3000-6000-ға дейін құраса, ең төменгі баға – 2700 теңге болып тұр. Еске сала кетсек, ҚР Тұңғыш Президенті-Елбасы Н.Ә.Назарбаев Алакөл жағалауындағы инфрақұрылымын дамыту және Ақши ауылында туристер үшін қолайлы жағдай жасау туралы тапсырмасын орындау мақсатында инвестиция көлемі 4 млрд-ты құрайтын, жылына 30 мың адамды қабылдай алатын көп функционалды бес жұлдызды «Көктем Гранд Ресортс» қонақ үй кешені ашылған болатын. Сонымен бірге туризмді одан әрі дамыту мақсатында Үшарал қаласының кіре берісінде «Үшарал» әуежайы ашылып, Талдықорған-Өскемен-Қалбатау тас жолы қайта жаңғыртудан өткізілуде. Сондай-ақ, демалуға келетін туристерге қолайлы жағдай жасау мақсатында облыс әкімдігі Жетіген-Достық-Жетіген теміржол қатынасын субсидиялауды жоспарлап отыр.

 


Добавить комментарий

Ваш e-mail не будет опубликован. Обязательные поля помечены *

© 2019 Karasayinfo.kz | Новости Карасайкого района