Территория Карасайского района — 2,0 тыс.км | Численность населения на 1 июня 2018 года – 264.1 тыс. человек | из них: городское – 65,2 тыс.человек | сельское — 201,4 тыс.человек | Темп роста составляет 102 % | Среднемесячная зарплата – 136686 тг. | Величина прожиточного минимума – 29509 тг.
Karasayinfo.kz | Новости Карасайкого района.Абыройы асқақ Астанаға арналды - Karasayinfo.kz | Новости Карасайкого района
Среда, 14 ноября 2018   Подписка на обновления  RSS  Письмо редактору
Популярно
Абыройы асқақ Астанаға арналды
23:06, 06 июля 2017

Абыройы асқақ Астанаға арналды


Ел абыройын асырып, айдай әлемге танытқан айбарлы Астанамыздың төл мерекесін Елбасының жерлестері – қарасайлықтар да қуанышпен қарсы алып, салтанат-сәнімен атап өтті.

Қаскелең қаласының орталық алаңында өткен шараға аудан тұрғындары көтеріңкі көңіл-күйде көп жиналды. Патриоттық сарындағы әндерге құрастырылған жастардың әдемі флешмоб биінен соң ортаға аудан әкімі Махаббат Бигелдиев шығып, көпшілікке, мерекеге орай, жылы лебізін арнады.

Ел тарихында аз уақытта өзіндік биігіне ие болып, дүние жүзіне әйгілі қазақ елінің бас қаласына айналған әсем Астананың негізін қалаған Ұлт Көшбасшысы Нұрсұлтан Назарбаевтың ерен ерлігіне тоқталған аудан басшысы мемлекетіміздің бүгінгі толайым жетістіктерінде ырыс пен ынтымақты ту еткен барша қазақстандықтардың үлесі бар екендігін де алға тартты.

Алда да осы татулық пен береке-бірліктен таймай, Елбасының бастауымен жарқын болашақ пен кемел келешек жолында қажырлы еңбек етуге шақырып, жиналғандарға жақсы тілегін арнады.

Мұнан кейін, ауданымыздың өркендеуі үшін аянбай тер төгіп, алдан көрінген бірқатар жандарды, атаулы күнге байланысты, марапаттады. Атап айтқанда, бұл күні жеке кәсіпкер Ж.Әйекешова мен Ұмтыл ауылдық мәдениет үйінің директоры Қ.Ізмаханов аудан әкімінің Құрмет Грамотасына, ал, аудандық орталық аурухана директорының орынбасары А.Тұрсынқызы, аудандық жұқпалы ауруханалар ауруханасының медбикесі Т.Рябинина және Белинский орта мектебінің мұғалімі М.Сәрсенғалиева Алғыс хатына ие болды.

Әрі қарай, шымылдығын «Астанаға арнау» әнімен ҚР Еңбек сіңірген әртісі Ғ.Садықова ашқан мерекелік концерттік бағдарламаны көпшілік сүйсіне тамашалады. Әсіресе, ондағы «Үшқоңыр» фольклорлық, этно-мәдени, ән-би ансамблінің өнері көпшілікті ерекше тәнті етті.

Ал, салтанатты жиын көздің жауын алар әдемі отшашумен түйінделді.


Добавить комментарий

Ваш e-mail не будет опубликован. Обязательные поля помечены *

© 2018 Karasayinfo.kz | Новости Карасайкого района